Ալավերդի համայնքի հարգելի բնակիչներ,
Գերմանիայի միջազգային համագործակցության ընկերության և ՀՀ տարածքային կառավարման և ենթակառուցվածքների նախարարության կողմից իրականացվող «Լավ կառավարում հանուն տեղական զարգացման Հարավային Կովկասում» ծրագրի շրջանակներում գործող ՀՀ համայնքների սոցիալ-տնտեսական զարգացման հիմնադրամի միջոցով հայտարարվել է դրամաշնորհային մրցույթ, որն ուղղված է համայնքներում ՄԱԿ-ի կայուն զարգացման 2030 օրակարգի և կայուն զարգացման նպատակների տեղայնացմանը։ Դրամաշնորհի չափը կարող է լինել 4-ից 16 միլիոն ՀՀ դրամ, իսկ միջհամայնքային ծրագրերի դեպքում՝ հասնել մինչև 24 միլիոն ՀՀ դրամի։ Համայնքապետարանի կամ այլ դերակատարների (մասնավոր հատված, այլ դոնոր, քաղաքացիական հասարակության կազմակերպություն) համաֆինանսավորումը պետք է կազմի ծրագրի ընդհանուր արժեքի առնվազն 10%-ը: Դրամաշնորհային միջոցները պետք է օգտագործվեն բացառապես համայնքապետարանի կողմից և չեն կարող փոխանցվել երրորդ կողմի, այդ թվում՝ մասնավոր անձի կամ ընկերության։
Ալավերդի համայնքի զարգացմանը և համայնքային հիմնախնդիրների լուծմանն ուղղված ձեր ծրագրային առաջարկները կարող եք ներկայացնել Ալավերդու համայնքապետարանի զարգացման ծրագրերի և տուրիզմի բաժին. Ալավերդու համայնքապետարան 404 սենյակ, karinesimonyan1702@gmail.com էլ․ փոստով՝ մինչև ս/թ մայիսի 8-ը։
Դրամաշնորհի վերաբերյալ մանրամասն տեղեկություններ կարող եք տեսնել ստորև։