Մարտի 23-ին ժամը 20:30-21:30-ին անջատենք բոլոր լույսերը՝ միանալով «Երկրի ժամը» նախաձեռնությանը
Բնության համաշխարհային հիմնադրամի (WWF) հայաստանյան մասնաճյուղի նախաձեռնությամբ Հայաստանում իրականացվում է աշխարհի ամենամեծ բնապահպանական շարժումը՝ «Երկրի ժամը»։ Միջոցառմանը մասնակցում է ավելի քան 190 երկիր և 7000 քաղաք՝ մեկ ժամով անջատելով տվյալ երկրում խորհրդանիշ համարվող շենքերի, շինությունների լուսավորությունը։
Մեզնից յուրաքանչյուրը կարող է միանալ այս միջոցառմանը՝ մարտի 23-ին ժամը 20։30-21։30-ն անջատելով իրենց տան լույսերը և նպաստելով ծրագրի առավել արդյունավետությանն ու տարածմանը։
Համախմբվելով Երկիրը պահպանելու շուրջ, միասին կկարողանանք կերտել ավելի կանաչ ապագա։