Բնակիչը հայտը ներկայացնում է համայնքապետարանի աշխատակազմի աշխատակցին։ Էլեկտրոնային ստորագրությամբ վավերացված հայտը հնարավոր է ուղարկել նաև համայնքապետարանի պաշտոնական էլեկտրոնային փոստի միջոցով,. Հայտի հետ ներկայացվում են ծառայության տրամադրման համար անհրաժեշտ փաստաթղթերը։ Դրանք են՝ հայտ՝ լրացված սահմանված ձևով, հայտատու իրավաբանական անձի պետական գրանցման վկայականի բնօրինակ, ՀՎՀՀ, բանկային վավերապայմաններ, Հայտատու անհատ ձեռնարկատիրոջ (ԱՁ) պետական հաշվառման վկայականի և անձը հաստատող փաստաթղթի բնօրինակ,
Գործունեության իրականացման վայրի՝ առևտրի օբյեկտի սեփականության կամ վարձակալության կամ անհատույց օգտագործման իրավունքը հավաստող փաստաթղթի բնօրինակ, Տեղական տուրքի վճարումը հաստատող անդորրագիր և
համայնքի բյուջեի նկատմամբ պարտավորությունների մասին տեղեկանք:
Անհրաժեշտ փաստաթղթերը տալուց հետո համայնքապետարանի աշխատակազմի աշխատակիցը ներկայացված փաստաթղթերի բնօրինակները պատճենահանում է, դրանց վրա կատարում է գրառում բնօրինակների հետ համապատասխանության մասին և փաստաթղթերի բնօրինակները վերադարձնում է հայտատուին:
Փաստաթղթերի փաթեթը հանձնվում է աշխատակազմի համապատասխան բաժնին կամ մասնագետին և կայացվում է համայնքի ղեկավարի որոշում, որից հետո տրվում է թույլտվություն, կամ ծառայության տրամադրումը գրավոր մերժվում է հայտի մուտքագրման օրվանից երկու օրվա ընթացքում: